Daddi Disco

Í áratugi hefur Daddi Disco flutt tónlist fyrir dansþyrsta gleðipúka við ýmis tækifæri. Þetta byrjaði allt á Gróttuböllunum upp úr 1980 en þaðan lá leiðin í D14, Traffík, Hollywood, gamla Broadway í Álfabakka, Upp og Niður, Evrópu við Borgartún, Lækjartungl og Casablanca. Eftir að hafa búið um hríð erlendis fór boltinn að rúlla aftur þegar hann var beðinn um að hanna upplifun og stýra tónlist á Thorvaldsen bar í Austurstræti. Í kjölfarið svo Mojito bar, Apótekinu og Batteríinu.

Þeir sem til hans þekkja vita hversu auðvelt hann á að laga sig að þeim hópi sem skemmt er hverju sinni. Rauði þráðurinn er þó alltaf að fólk fái sína tónlist og geti áreynslulaust skemmt sér og sínum. Það á alltaf að vera stuð!

Daddi hefur flutt tónlist á stærstu viðburðum landsins fyrir aðila eins og Landsbankann, Íslandsbanka, Icelandair, Vodafone, Símann og Aríon. Honum hefur eins verið treyst fyrir óteljandi brúðkaupum, minni og meðalstórum uppákomum fyrirtækja heima og erlendis.

Reglulega hefur hann flutt tónlist fyrir erlenda hópa af öllum gerðum og stærðum sem sækja landið heim.

Ásamt tónlistarflutningi er hægt að plata hann í veislustjórn og þannig slá tvær flugur í einu höggi. Slíkt hentar ákaflega vel ef viðburður er haldinn erlendis eða á landsbyggðinni. Að auki hefur diskótekarinn síungi staðið fyrir gleðiferðum erlendis allan ársins hring.

Vinsamlegast hafið samband í síma 69 tíuþúsund eða sendið póst á daddi hjá e4 punktur is. Við getum skjótt og örugglega leyst úr þínum málum.